атыспен қолдайтын кемелер жасағы

(Отряд кораблей огневой поддержки)

артиллериялық және ракеталық қару-жарағы басым кемелердің уақытша қалыптасуы. Ол теңіз десантын түсіруді қамтамасыз етуге немесе теңіз маңындағы бағытта әрекет жасаушы құрлықтағы әскерлерді қолдауға арналған. А.қ.к.ж-ның негізгі міндеттері: десант түсірудегі атыс дайындығы және жағаға түсірілген әскерлер әрекетін атыспен қолдау, ал теңізге таяу бағыттағы құрлықтағы әскерлер шабуылын қолдау кезінде – жалпы әскер командирінің (қолбасшысының) жоспары бойынша атыс тапсырмаларын орындау. А.қ.к.ж-ның құрамы десант түсіру ауданының аумағына және қарсыластың десантқа қарсы қорғаныс сипатына байланысты. А.қ.к.ж. теңізден өту кезінде десанттың 1-эшелондағы жорық ретінің құрамында немесе өз бетімен жүреді. А.қ.к.ж. ұрыста десант түсіру үшін белгіленген атыспен маневр жасау ауданында жайылады. Өйткені онда қарсыластың десантқа қарсы қорғаныс объектілеріне қаруды тиімді қолдануға жағдай жасалады. А.қ.к.ж-ның бірнеше десант түсіру өңірлері бар болса, олар жекеленген топтарға бөлінеді.